طريقة بروفيترول بصوص الشيكولاتة و كريمة القهوة طعمة جنان

المقادير :
لعمل البروفيترول :-

- 200 جرام دقيق
- نصف كوب مياه
- 2 معلقة زبدة
- ربع معلقة ملح
- ربع معلقة سكر
- 4 بيضات
- فانليا

لعمل كريمة القهوة :

- باكو كريم شانتيه
- باكو كربم كراميل
- كوب لبن صغير
- 4 معالق نسكافيه

لعمل صوص الشيكولاتة :

- 250 جم شيكولاتة مطبخ
- كوبين لبن
- معلقة زبدة
- 3 معلقة كسترد او معقة نشا واحدة ( انا حطيت كسترد بدال النشا ادا
الصوص طعم محصلش )
- 2 معلقة سكر


الطريقة :
بالنسبة لقطع البروفيترول :

نحط المية فى الحلة مع الزبدة و الملح و السكر لحد ما تغلى نرفعها من النار و نحط الدقيق دفعة واحدة و نقلب لحد ما الكل يتجانس و نرفعة تانى على النار لمدة دقيقة و نقلب لحد العجينة ما تبقة شبه الكرة و تسيب الحلة بعد كدة نضع العجينة فى وعاء بلاستيك عشان تبرد و بعدين اضيفى البيض واحدة واحدة والفانليا مع اخر بيضة مع التقليب

و نحط العجينة لما تبرد فى الكيس اللى بنشكل بيه الكريم شانتيه (لو مش عندك مش مهم حطيها فى كيس بلاستيك و اخرميه ) بعدين فى صاج او صينيه مدهونة زيت و دقيق اعملى كور من العجينة و دخليها الفرن ( يكون حامى ) لمدة 20 - 30 دقيقة فى الرف اللى فى النص لحد ما و شها يحمر و تبقى منفوخة شويه و بعدين خرجيها و سيبيها تبرد

اثناء الخيز جهزى الكربمة و الصوص

الكريمة سهلة اوى
اضربى الكريمة مع لبن او ماء مثلج لحد ما تتخن و سوى الكريم كراميل فى كوباية اللبن على النار و سيبيها دقايق تبرد و بعدين حطيها على الكريم شانتيه و اضربي بالمضرب لحد ما يبقى لونها بيج حطى عليها النسكافيه و اضربى بالمضرب دوقيها هتلاقى فيها طعم القهوة جميل مع الكريمة - حسب زوقك ممكن تزودى النسكافيه او تقلليه

صوص الشيكولاتة :
حطى كل مكوناته سوا على النار و قلبيها لحد ما تتخن ( يفضل تقليب الكاسترد فى معلقتين مياه قبل اضافتة عشان ميكلكعش )



بعد كدة نجيب كل قطعة نفتح فيها تتحة و نحشيها بالكريمة و نغمسها فى الصوص ونحطها فى بولة التقديم
انا قدمتة فى بولات صغيرة كل واحدة فيها 4 قطع و حطيت الصوص على الوش و زينتها باللى فاضل من الكريمة على شكل وردات

وبالهنا و الشفا يا رب يعجبكم